«دیالوق» آذربایجان سیویک نئیشن ایله اتک‌یازی‌نین اورتاق پروژه‌سی‌دیر. اونون مقصدی آذربایجان فعاللاری، دوشونورلری و چالیشانلاری آراسیندا سؤیلمسل دیالوق قورماق و فیکیر آلیش-وئریشی ایمکانی یاراتماقدیر.
بو پروژه چوخ آشامالی بیر چالیشمادیر. ایزله‌یه‌جه‌گینیز بو ویدئو مصاحیبه‌لری سئریسی اونون ایلک آشاماسیدیر. پروژه‌نی اتک یازی مئدیاسیندان و AZ Civic Nation یوتیوب کانالیندان ایزله‌یه بیلرسیز.
«دیالوق»ون سککیزینجی موصاحیبه‌سینده، «اورمو گؤلونون حافظه و دویغولاردا نئجه جانلاندیغی»، «اورمو گؤلونون قوروماسی‌نین نه ابعاددا بیر فاجعه اولدوغونو»، «اورمو گؤلونون قوروماسیندا کیملرین مقصر اولدوغو و گؤلون دورومونو کیملرین گوندمه گتیردییی» و «گله‌جکده گؤل ایله باغلی نه ایشلرین گؤروله بیله‌جه‌یی» کیمی موضوع‌لار ژورنالیست و یازار محمد بابایی ایله موذاکیره اولونوب.
ماراقلانانلار و آرتیق بیلگی ایسته‌ینلر آشاغیداکی ایمئیل واسیطه‌سیله بیزیمله علاقه ساخلایا بیلرلر:
