عیرقچیلیک و عیرقچی ظارافات‌لار، تأسف کی، گونده‌لیک حیاتیمیزین بیر چوخ ساحه‌‌‌سینده، عادی صؤحبت‌لردن توتموش ایش موحیطینه و ایجتیماعی مکان‌لارا قدر هر یئرده قارشیمیزا چیخا بیلر. بئله حال‌لاردا دوزگون و تاثیرلی رئاکسییا وئرمک چوخ واجیبدیر. گلین، عیرقچیلیکله نئجه موباریزه آپارا بیله‌جه‌ییمیزه بیرلیکده نظر سالاق.
۱. اعتراضینیزی بیلدیرین.
اگر کیمسه عیرقچی بیر فیکیر سسلندیریر و یا عیرقچی ظارافات ائدیرسه، سوسمایین. رئاکسییا وئرمک و بیرباشا اعتراضینیزی بیلدیرمک، همین شخصین داورانیشینی ديَیشدیرمه‌یه کؤمک ائده بیلر.
نومونه: «بو عیرقچی بیر ایفاده‌دیر و من بونونلا راضی دئییلم.» ساکین، آما قطعیتلی بیر تونلا دانیشماق، بو جور داورانیش‌لارین قبول اولونمادیغینی گؤسترر.
۲. سؤال وئره‌رک دوشونمه‌یه وادار ائدین.
بیرباشا موباحیثه‌یه گیرمک عوضینه، سؤال‌لار وئرمکله قارشینیزداکی شخصی اؤز سؤزلری حاقیندا دوشونمه‌یه مجبور ائده بیلرسینیز.
نومونه: «بو جومله‌‌‌نین باشقالارینا نئجه تأثیر ائتدیگینی دوشونموسن‌می؟» بو جور سؤال‌لار، اونلارین اؤز غرضلی‌لیک‌لری اوزرینده دوشونمه‌لرینه سبب اولا بیلر.
۳. دستک آختارین.
ایش یئرینده و یا ایجتیماعی بیر مکاندا عیرقچیلیکله قارشیلاشدیغینیز زامان، همکارلارینیزدان و یا دوست‌لارینیزدان دستک آلماق چوخ اؤنملیدیر.
نومونه: اگر ایش یئرینیزده عیرقچی داورانیشلا قارشیلاشیرسینیزسا، بو باره‌ده مدیره و یا اینسان رئسورس‌لاری (منابع انسانی) شعبه‌سینه معلومات وئرین. جمعی دستک، مؤوقعینیزی گوجلندیره‌جک.
۴. سرحدلرینیزی قویون.
اونوتمایین کی، سیزین تحقیر‌ائدیجی فیکیرلری قبول ائتمک و یا اونلارا دؤزمک مجبوریتینیز یوخدور. بونون اوچون اؤز سرحدلرینیزی قطعی شکیلده معين ائدین.
نومونه: «منیمله بو جور دانیشماغینی ایسته‌میرم.» آیدین و قطعی بیر مؤوقع توتماق، گله‌جکده بو جور حال‌لارین تکرارلانماسی‌نین قارشیسینی آلماغا کؤمک ائده‌جک.
۵. آیدینلاندیرین.
بعضاً عیرقچیلیک غرض و یا دوشمنچیلیکدن دئییل، معلوماتسیزلیقدان قایناقلانیر. بو حال‌لاردا اینسان‌لاری آیدینلاندیرماق موثبت نتیجه‌لر وئره بیلر.
نومونه: «اصلینده، بو ایفاده‌نین تاریخی اولاراق چوخ منفی بیر معناسی وار…» دوزگون و اساسلی معلومات وئرمک، اینسان‌لارین باخیش‌لارینی ديَیشدیره بیلر.
۶. لازیم گلدیکده اوزاقلاشین.
اگر وضعيّت گرگینله‌شیرسه و یا تهلوکه‌‌‌لی بیر حال آلیرسا، اؤز تهلوکه‌‌‌سیزلیگینیزی هر زامان اؤن پلاندا توتون و همین یئری ترک ائدین.
* نومونه: بعضاً موباحیثه ائتمک عوضینه، وضعيتدن اوزاقلاشماق ان دوغرو قراردیر. بئله بیر آددیم، هم اؤزونوزو قوروماغا، هم ده ساکیتلیگینیزی قوروماغا کؤمک ائده‌جک.
۷. سوسیال مئدیادان ایستیفاده ائدین.
یاشادیغینیز تجروبه‌لری و یا موضوع ایله باغلی فایدالی قایناق‌لاری سوسیال مئدیادا پایلاشماق، عیرقچیلییه قارشی داها گئنیش میقیاسدا موباریزه آپارماغا کؤمک ائده بیلر.
نومونه: عیرقچیلیکله باغلی شخصی تجروبه‌لرینیزی و یا معاریفلندیریجی مقاله‌لری پایلاشماق، ایجتیماعی شعورو آرتیرماغا کؤمک ائده بیلر.
ایستر اعتراض ائتمکله، ایسترسه ده باشقالاریندان دستک آلماقلا، عیرقچیلییه قارشی دورماق، داها تهلوکه‌‌‌سیز و هر کسی قوجاقلایان بیر توپلوم یاراتماغا تؤحفه وئریر. هر کیچیک آددیم، بؤیوک ديَیشیکلیک‌لره یول آچیر.
