شرقی آذربایجان ایالتی‌نین میانه شهرینده بیر آنانین شیرین بایاتی اوخودوغو سوسیال شبکه‌لرده چوخ گوروندو:
“میندیم دوه‌نین بوینونا،
الیمی قویدوم بوینونا،
بابالیم باعث بوینونا،
قوی آپارسین یادلار منی،
قول ائیلر (حسین بالا) ساتار منی”.
ایران رئژیمی ایل‌لرله تورکلویو و تورکچولویو همین اراضی‌لردن سیلمک ایسته‌سه ده، رسمی موحیط‌لرده تورک دیلینده دانیشماغی قاداغان ائتسه ده، گورونور کی بیر آنا دیلینده سسله‌نن بایاتی ۱۰۰ ایللیک ایران رئژیمی‌نین سیاستینه غالیب گلیر و سسی هر طرفی بورویور.
حاضیردا ایراندا تورک‌لرین سایی ۳۰-۴۰ میلیون آراسیندا اولدوغو دئییلیر. ساده‌جه ایرانین اؤزونه صرف ائتمه‌ین بو معلومات فرقلی منبع‌لرده موختلیف جور گؤستریلیر. گاه آزالدیلیر، گاه دا ساختالاشدیریلیر. ایرانین عومومی اهالیسی ایسه تقریباً ۹۱ میلیوندور. تصوّور ائدین کی، یاریسی، بلکه ده یاریسیندان چوخو تورکدور.
دوه‌نین بوینونو قوجاقلایان، اونون نازینی چکن آنانین سسی سوسوز تورپاق‌لارا یاغیش کیمی یاغیر، اورگیمیزه ملهم کیمی یاییلیر. آرازین او تاییندان بو تایینا سس-هارای وئریر. نیسگیللی اولان بو سس، خبر وئریر کی، بیز بوراداییق، دیلیمیز ده، بایاتیمیز دا بورادادیر. اؤزوموز ده تورپاغیمیزداییق.
ان ماراقلیسی دا اودور کی، آذربایجانی ایکییه بؤلن «تورکمنچای» موقاویله‌سی ده محض میانه شهری‌نین یاخینلیغیندا یئرله‌شن تورکمنچای کندینده ۱۸۲۸-جی ایلده ایمضالانیب. تصادوفدورمو، بو تورپاقدا بیر آنانین دئدیگی بو بایاتی؟ دئییرلر تصادوف اولمور. هم ده دئییرلر کی، تصادوف آللاهین گیزلی ایمضاسیدیر.
سون گون‌لرده گونئی آذربایجان میلّلی حرکاتی‌نین فعال‌لاری تبریزده آذربایجان پرئزیدئنتی ایلهام علییئو و تورکییه‌نین دؤولت باشچیسی رجب طییب اردوغانین شکیل‌لرینی شهرین موختلیف یئرلرینده دیوارلارا ووروبلار. فوتولارین اوزرینده ده «یاشاسین قاراباغ قهرمانی علییئو باشقان» و «یاشاسین شام فاتیِحی اردوغان رئیس» یازیسییلا. بونون قارشیسیندا حاکمیت سید حسن عاملی مسئله‌سینده نه ائتسین؟
سن سلاح و قورخو گوجونه، حبس‌خانالارلا تهدید ائتمکله بیر یئره قدر موباریزه آپارا بیلیرسنسه، بایاتییا، سؤزه، شیوه‌یه قارشی بونو ائده بیلمیرسن و بیلمزسن! چونکی عاجیزسن. بیر بایاتی، بیر بند شعر بیر اولکه‌نی پارچا-تیکه ائدیرسه، دئمه‌لی ائله ان گوجلو سلاح ائله سس و سؤزودور. ۲۰۲۰-جی ایلده باکیدا کئچیریلن ظفر پارادیندا تورکییه‌نین پرئزیدئنتی رجب طییب اردوغان غالیب اوردونون و قارداش تورک حربچی‌لری‌نین قارشیسیندا لاچین بایاتیسیندان سسلندیردیگی بیرجه بند کیمی:
“آرازی آییردیلار
لیل ایله دویوردولار،
من سندن آیریلمازدیم
زور ایله آییردیلار”.
بو بیر بند بایاتی‌دان سونرا تورکییه‌نین ایرانداکی سفیرینی ناظرلییه چاغیریب نوتا دا وئردیلر. من یوکسک کورسولردن دانیشا بیلمه‌سم ده، اونو بیلیرم کی تورکون بایاتیسی، تورکون سسی هر زامان ایران رئژیمی اوچون سلاحدان داها تهلوکه‌‌‌لی اولوب.
ایران حؤکومتی‌نین آپاردیغی سورغولار نتیجه‌سینده گؤرونن اودور کی، ایران رئژیمینی آیاقدا ساخلایان دینی کیملیک مسئله‌‌سی اؤز گوجونو، آکتواللیغینی ایتیریر. ایراندا یاشایان خالق‌لار، خوصوصاً ده آذربایجان تورک‌لری اؤز میلّی منسوبیّتینی داها دریندن درک ائدیر و بونونلا فخر ائدیرلر.
ایرانین گؤزل و مغرور قادین‌لاری‌نین داورانیشی دا نومونه کیمی گوسترمک اولار. ایران حؤکومتی آرتیق قول گوجونه، زور گوجونه گؤزل ایران قادین‌لاری‌نین باشینی اؤرته بیلمیر. اونلاری مجبوراً قارا اؤرتوک محکومونا چئویره بیلمیر. آزاد روحلو و موباریز ایران قادینی مهسا امینی‌نین مزاری اوستونده ساچ‌لارینی کسمکله بوتون دونیایا بیلدیردی کی، مهسا امینینی ایران پولیسی حجاب تاخمادیغی اوچون قتله یئتیریب و ایران قادینی بو قتلین تکرارلانماسینا ایمکان وئرمه‌یه‌جک.
محض بو قادین‌لار ایرانی خلاص ائده‌جکلر! گولوش‌لری، قارا ساچ‌لاری، گؤزل گؤزلری، مرد و قورخماز اورک‌لری، بیر ده حزین بایاتی‌لاری ایله…
