شیفاهی ادبیاتیمیزین تانینمیش پئرسوناژی اولان جیرتدان ۲۱-جی یوزایللییه گلیب. تبریزلی دریا هدایی آذربایجان اوشاق ناغیل‌لاریندان اولان جیرتدان ناغیلینین معاصر وئرسییاسینی اینگیلیسجه‌ده یاییملاییب. دریا خانیم آذربایجان و آمئریکا مدنیتینین سنتزیندن عمله گلن«Jirtdan’s Halloween» کیتابینی، آذربایجان کیملیگی ایله یاناشی آمئریکا کیملیگی داشییان اوشاق‌لارا آذربایجان کیملیگینی سئودیرمک، بو کیملیکله فخر ائتمه‌لری اوچون حاضیرلادیغینی دئییر. کیتاب بوتونلوکله اینگیلیسجه اولسا دا پئرسوناژلارین آدلاری و اصیل کیملیک‌لری دییشدیریلمه‌ییب.
آمئریکا بیرلشمیش ایشتات‌لاری ساکینی اولان و EnglishAzerbijani اینستاگرام صحیفه‌سی ایله تانینان تبریزلی دریا « Which animals is more useful? هان‌سی حیوان داها فایدالی‌دیر؟» و «Azerbaijani Turkic alphabet and numbers» آدلی کیتاب‌لارین دا مؤلفیدیر. دریا هدایی‌نین کیتاب‌لارینی Amazon سایتیندان الده ائده بیلرسینیز.
