آذربایجان مستقل سینماسیندان دری فیلمی 21 مهر چرشنبه گونوندن اعتباراً بوتون اؤلکه اراضی‌سینده یاییملاناجاق. فیلمین اکرانا چیخماق خبری ایله یاناشی اونون آفیشاسی دا یاییلیب.
آذربایجان مستقل سینماسی‌نین تانینمیش اثری اولان دری فیلمی ارک قارداشلارینین (بهمن و بهرام) سئناریاتلیغی و رئژیسسورلوغو ایله چکیلیب. فجر کینو فستیوالینین چوخ دانیشیلان فیلملری ایچینده یئر آلان بو اثر آذربایجان تورکجه‌سینده چکیلن اوزون‌مئتراژلی فیلم‌دیر. بو فستیوالدا فیلم ۷ موختلیف نومیناسییایا تقدیم ائدیلدی. صنعت و تجروبه نومیناسییاسین‌دا بولور سیمرغ موکافاتینا و ان یاخشی فیلم موسیقی‌سی موکافاتینا لاییق گؤرولدو.
دری فیلمی فرقلی مؤوضوعسو ایله ده دقت چکیب. سئناریده بیر سئوگی داستانی ایله یاناشی خالق ایچینده یایغین اولان میفیک اینانجلار و خرافات تصویر ائدیلیب.
بوندان اؤنجه تبریزلی ارک قارداشلارینین چکدیکلری «حیوان» آدلی قیسامئتراژلی فیلم ایسه اؤلکه ایچینده و خاریجده بیر نئچه موکافاتا لاییق گؤرولموشدور.
