«گلوبال ائدیتینگ» سایتی‌نین معلوماتلارینا گؤره، دونیادا ان چوخ کیتاب اوخونان اؤلکه‌لر بللی اولدو. لیسته‌ده هفته‌ده ۱۰ ساعت ۴۲ دقیقه ایله هندوستان بیرینجی، هفته‌ده ۹ ساعات ۲۴ دقیقه ایله تایلند ایکینجی و هفته‌ده ۸ ساعات‌لا چین اوچونجو یئرده‌دیر.
کیتاب اوخوما ایندئکسی، اینسانلارین هفته‌ده کیتاب اوخوماغا نئچه ساعت صرف ائتدیکلرینه اساسا معین ائدیلیر. بیلدیریلیر کی، نشر ائدیلن کیتابلار ایله یاناشی، ژورنال، قزئت و آنلاین نشرلر ده یئر آلیر.
ایلک اونلوغا داخیل اولان اؤلکه‌لر آشاغیداکیلاردیر:
فیلیپین (۷ ساعات ۳۶ دقیقه)
مصر (۷ ساعات ۳۰ دقیقه)
چک (۷ ساعات ۲۴ دقیقه)
سوئد (۷ ساعات ۶ دقیقه)
فرانسه (۶ ساعات ۵۴ دقیقه)
مجارستان (۶ ساعات ۴۸ دقیقه)
سعودی عربستان (۶ ساعات ۴۸ دقیقه).
