قوزئی آذربایجاندا و خاریجده یاشایان آذربایجانلی‌لارین بیر چوخونون سوروشدوغو سوال «گونئی آذربایجان فیلم‌لرینه نئجه باخاق؟» اولور. بعضا پروبلئم فیلم‌لری تاپماق اولسا دا اساس پروبلئم بعضا هله ساتیشدا اولان فیلم‌لرین آلیشی اوچون اؤده‌نیشین ائدیلمه‌سیدیر. اگر سیز ده بو پروبلئم‌لرله قارشیلاشیرسینیزسا بو معلومات‌لار سیزین اوچوندور. بو یازیدا سیزه آذربایجانین گونئیینده چکیلمیش بیر نئچه فیلم حاقیندا قیسا معلوماتلا یاناشی، پولسوز ایزلنیلمه‌سی مومکون اولان فیلم‌لرین و ائله‌جه ده هله ساتیشدا اولان فیلم‌لری ایزله‌مک اوچون لینک‌لری پایلاشیریق.
سارای (۱۹۹۷)
سارای فیلمی‌نین رئژیسسورو یدالله صمدی‌دیر(۱۹۵۲-۲۰۱۸). او، فیلم‌لرینده آذربایجان مدنیتینه، خصوصیله فولکلورا دقت یئتیریردی. بو جور فیلم‌لرین آراسیندا «دده قورقود» میفیک تورک داستانی‌نین ائپیزودلارینا اساسلانان قهرمانلیق فیلمی «دومرول»(۱۹۹۳)، قولدور هوجوم‌لارینا قارشی مقاومت گؤسترن «ساوالان»(۱۹۸۹) و «سارای»(۱۹۹۷) فیلم‌لری وار. او دؤورده تورکجه فیلم چکمک قاداغان ائدیلدیگی اوچون بو فیلم‌لرین هر بیری فارسجا چکیلیبلر. سونرادان «سارای» فیلمی آذربایجان تورکجه‌سینه دوبلاژ اولدو. بو ایسه گونئی آذربایجانلی تاماشاچی‌لار طرفیندن بؤیوک رغبتله قارشیلاندی.
فیلمه آشاغی‌داکی لینکدن اؤده‌نیشسیز باخا بیلرسینیز.
«سارای» فیلمینی بورادان ایزله‌یین
ووصال گون‌لری (۱۹۹۷-۱۹۹۸)
حسن محمدوو «ووصال گون‌لری» فیلمی‌نین باش رولوندا.
«ووصال گون‌لری» فیلمی رضا صیامی‌نین تام‌مئتراژلی فیلمیدیر. بو فیلم کینوتئاترلاردا ائکرانا چیخماسا دا ایرانین بؤلگه تلویزیون‌لاریندا یاییملاندی و بیرینجی تام‌مئتراژلی گونئی آذربایجان سینماسی کیمی تاریخه دوشدو. «ووصال گون‌لری» فیلمی آذربایجانین ایکییه آیریلماسی‌نین آذربایجانلی عایله‌لره تأثیریندن بحث ائدیر.
«ووصال گون‌لری» فیلمینی بورادان ایزله‌یین
ائو (۲۰۱۶)
رئژیسسور عسگر یوسفی‌نژادین ۲۰۱۶-جی ایلده چکدیگی «ائو» آدلی بدیعی فیلمی ایران کینو تنقیدچی‌لری‌نین ده دقتینی چکیب. تبریزده آذربایجان تورکجه‌سینده فارسجا آلت‌یازی ایله ایستحصال ائدیلن فیلم عنعنوی بیر عائله‌دن بحث ائدیر. فیلمین قهرمان‌لاری اؤلن آتالارینی دفن ائتمک ایسته‌ییرلر، لاکین اؤیره‌نیرلر کی آتالاری اؤز جسدینی طیبّی آراشدیرمالار اوچون تدقیقات اینستیتوتونا باغیشلاماغی وصیت ائدیب.
«ائو» فیلمی « NETPAC» (آسییا سینما اینکیشافی اوچون شبکه) موکافاتی ایله بیرلیکده ایرانین ۳۵-جی فجر فیلم فئستیوالیندا ان یاخشی سسئناری و ان یاخشی فیلم اوچون «سیمرغ زرین» و «سیمین» موکافات‌لارینی قازانمیشدیر. فیلمین اوغورو موستقیل گونئی آذربایجان سینماسیندا بؤیوک سس-کویه سبب اولدو.
«ائو» فیلمینی بورادان ایزله‌یین
حیوان (۲۰۱۷)
رئژیسسورلار بهرام و بهمن ارک قارداش‌لارینین «حیوان» آدلی ۱۵ دقیقه‌لیک قیسامئتراژلی فیلمده بیر آدامین سرحددی آشماق اوچون قوچ دریسی گئیینیب قاداغان ائدیلمیش بؤلگه‌نین سرحددینی آشماغا چالیشماسی تصویر ائدیلیب. «حیوان» فیلمی ۲۰۱۷-جی ایلده نفوذلو کن فیلم فئستیوالیندا ایکینجی یئره داخیل اولماقلا، بیر نئچه موکافات قازانمیشدیر.
«حیوان» فیلمینی بورادان ایزله‌یین
کؤمور (۲۰۱۸)
«کؤمور» فیلمی‌نین سسئناریستی و رئژیسسورو اسماعیل منصف‌دیر. آذربایجانین سرحد کندلری‌نین بیرینده کؤمورچولوکله مشغول اولان غیرتین اوغلو یاشار حبس‌خانادان چیخاراق آذربایجان رئسپوبلیکاسینا قاچیر. و بوتون حادثه‌لر بوندان سونرا باشلاییر.
«کؤمور» فیلمینی بوردان ایزله‌یین
دری (۲۰۱۹)
ارک قارداش‌لارینین چکدیکلری و تورک میفولوگییاسینا اساسلانان بو فیلم فجر فئستیوالیندا ایکی کاتئقورییادا: ان یاخشی فیلم و ان یاخشی فیلم موسیقیسی موکافات‌لارینی قازانیب. ایران سینماسی اوچون عنعنوی اولمایان «دری» فیلمی قورخو ژانریندادیر.
بو لینکدن «دری» فیلمینه آنلاین باخماق اوچون بلیط آلا بیلرسینیز
آرپاچایی آیریلیق نغمه‌سی (۲۰۱۹)
«آرپاچایی آیریلیق نغمه‌سی» فیلمی‌نین رئژیسسورو علی ابدالی‌دیر. فیلمده گونئی آذربایجانلی بیر قیزلا قوزئی آذربایجانلی سرحدچی اوغلانین آراسیندا یاشانان سئوگیدن بحث ائدیلیر. گونئیلی مشهور آکتیور هادی افتخارزاده ایله یاناشی قوزئی آذربایجاندان اولان آکتیور امراه داداشوو دا فیلمده رول آلیب. فیلمین موسیقیسینی عالیم قاسیموو ایفا ائدیب.
«آرپاچایی» آیریلیق نغمه‌سی فیلمینی بورادان ایزله‌یین
قوجالار اؤلمز(۲۰۱۹)
بو اثر اردبیللی گنج رئژیسسور رضا جمالی‌نین ایلک تام‌مئتراژلی فیلمیدیر. ژاپن مدنیت فوندو طرفیندن بو فیلمه «آسییانین روحو» موکافاتی وئریلیب. فیلمده صفالی بیر کندده اوزون مدت هئچ کیمین اؤلمه‌دیگی کندلی‌لرین حیاتیندان بحث ائدیلیر.
۹-جو استرالیا ایران فیلم فئستیوالی‌نین سونوندا «قوجالار اؤلمز» فیلمی مونصیف‌لر هئیتی‌نین خصوصی موکافاتینی قازانمیشدیر. همچینین کانادانین تورونتو شهرینده کئچیریلن ۵-جی ایران فیلم فئستیوالیندا (کورش فیلم فئستیوالی) مونصیف‌لر هئیتی‌نین خصوصی موکافاتینی قازانیب و مونصیف‌لر هئیتی طرفیندن تلطیف اولونوب. بو فیلم اسپانیادا کئچیریلن بارسلونا آسیا فیلم‌لری فئستیوالی‌نین سککیزینجی جلسه‌سینده فئستیوالین خصوصی بؤلمه‌سینده ان یاخشی سسئناری موکافاتینا لاییق گؤرولموشدور.
«قوجالار اؤلمز» فیلمینی بورادان ایزله‌یین
طرلان (۲۰۲۰)
۲۰۲۰-جی ایلده آنلاین اولاراق یاییملانان «طرلان» فیلمی دایم ایره‌‌لیله‌مکده اولان موستقیل آذربایجان سینماسی‌نین یئنی محصول‌لاریندان حساب ائدیلیر. فیلمده جاناوار سوروسونون تهدیدینی چوبانلیق تجروبه‌سینه گؤره اوّلجه‌دن کند اهالی‌سینه بیلدیرن طرلانین بو قابیلیتی کندلی‌لرین دقتینی چکیر. اونلار طرلانین غیر عادی گوجه مالیک اولدوغونا اینانیرلار. اوندان کندلی‌لره ده معجزه یاراتماسینی ایسته‌ییرلر. فیلمین آنونسو دونیا آذربایجانلی‌لاری طرفیندن سوسیال مئدیادا گئنیش شکیلده پایلاشیلدی.
«طرلان» فیلمینی بورادان ایزله‌یین
آتابای (۲۰۲۱)
«آتابای» فیلمی حاضیردا کینوتئاترلاردا نوماییش ائدیلیر و آنلاین ساتیشدا دئییل. بو فیلمین رئژیسسورو ایرانین مشهور آکتیریساسی نیکی کریمی‌دیر. «آتابای» فیلمی ایراندا ان چوخ ساتیلان فیلم‌لر سیراسیندادیر. فیلمین کینوتئاترلارداکی نوماییشی بیتدیکدن سونرا آنلاین ساتیشا چیخاجاق.
