٧ دكابر ٢٠٢٤ تاريخيندە ساعت ١٤:٠٠-ده کالیفورنیانین كوپرتينو شهرينين كتابخاناسیندا شمالى كالیفورنيا آذربايجان مدنيت جمعيتى طرفيندن ٢١ آذر حركاتينا حصر اولونموش خصوصى تدبير كچيريلدى.
تدبيرده سوسيولوق رامین جاببارلى “دواملى موقاويمت: ۱۳۲۴-جو ايلدن بو گونه قدر ايراندا آذربايجان حركاتی‌نين ايزيندە” موضوعوندا گئنش معروضه ايله چيخيش ائتدى. چيخيشدا گونئى آذربايجانين ۱۳۲۴-جو ايلده میللى حؤكومتدن اؤنجه‌كى ایقتیصادی، ایجتیماعى و سياسى وضعيتی اطرافلى تحليل ائتدى. پهلوى رژيمی‌نین قورولماسيندان سونرا يارانان ناراضيلق‌لار، میللى حؤكومتين قورولماسينا شرايط يارادان عاميل‌لر و اونون سوقوطونا سبب اولان تهلوکه‌لر حاققيندا گئنش معلومات وئريلدی.
عینى زماندا، سووئت دؤنمیندە گونئی آذربايجاندان اولان مهاجيرلرين حياتی و فعاليتى، همچنين معاصیر دؤرده گونئی آذربايجان میللى حركاتيندا ۱۳۲۴-جو ايل میللى حؤكومتی‌نين تاثيرلری موذاكيرە اولوندو.
٢١ آذر حركاتى، ۱۳۲۴-جو ايلده گونئی آذربايجاندا باش وئرن میللى-آزادليق حركاتيدیر. بو حركاتين نتيجه‌سنده آذربايجان میللى حؤكومتى قورولاراق قيسا مودت عرضينده آنا ديلده تحصيل، يئرلى اداره‌چیلیق و تورپاق اصلاحاتى كيمى مهم اصلاحات‌لار حياتا كچيريلدى. لاكین، ۱۳۲۵-جى ايلده پهلوى رژيمی‌نین موداخیله‌سى ايله حؤكومت دئوريلدى و مينلرله انسان تعقيب و قتل عاما معروض قالدى.
