۲۰۲۳-۲۰۲۴ تحصیل ایلی اوچون «محمدعلی ایراهیم‌لی بورس پروقرامی»نا ثبت‌نام‌ین قبولو اعلان اولونور.
دونیانین ایسته‌نیلن بؤلگه‌سینده یاشایان آذربایجانلی‌لار بو بورس پروقرامینا ثبت‌نام ائده بیلر. ثبت‌نام اوچون اساس شرط ویشگراد قروپو (چک، مجارستان، لهستان و اسلواکی) و یا بالتیک (لیتوانی، لتونی، استونی) اؤلکه‌لرده یئرلشن دانشگاه‌لارین بیریندن یوکسک لیسانس (فوف لیسانس) سويیه‌‌سینده تحصیل اوچون رسمی قبول آلماق و یا حال-حاضردا یوکسک لیسانس تحصیلینی اورادا داوام ائتدیرمکدیر.
بو بورس پروقرامینا گونئی آذربایجانلی‌لار ثبت‌نام ائده بیلرلر.
ایلک مرحله‌‌‌ده ثبت‌نام ائده‌نلر کئچیددن ( https://bit.ly/3XKAHo0) داخیل اولماقلا ثبت‌نام فورمونو دولدوراراق اؤزلری حاقیندا لازیمی معلوماتلاری داخیل ائتمه‌لی و سندلری یوکله‌مه‌لیدیرلر. فورما یوکله‌نیلمه‌سی طلب اولونان سندلردن بیری دولدورولموش MISPعریضه فورماسیدیر. بو فورمانی mischolarship.com/apply کئچیدینده‌کی «فورمانی یوکله» دویمه‌سینه توخونماقلا الده ائده بیلرسینیز.
بیر نئچه گون داوام ائده‌جک عمومی قیمتلندیرمه‌دن سونرا بو مرحله‌‌‌دن اوغورلا کئچمیش شخصلر موصاحیبه‌یه دعوت اولوناجاقدیر. موصاحیبه‌لرین نتیجه‌لری و قالیبلر ۱۹ مرداد تاریخینه‌دک معین اولوناجاقدیر.
داها دئتایلی معلومات آلماق اوچون mischolarship.comوبسایتیمیزا باش چکه بیلرسینیز.
ثبت نام اوچون سون تاریخ ۱۳ مرداد تعیین ائدیلمیشدیر.
