«مونولوق»ون آلتینجی موصاحیبه‌سینده، «۲۰ سپتامبر ۲۰۲۲ تاریخیندن باشلایاراق دوام ائدن ایرانداکی آیاقلانمالارین سببلری نه‌لر اولا بیلر؟»، «بو آیاقلانمالار ایرانداکی گله‌جک سیاسی دورومو نئجه ائتکی‌له‌یه بیلر؟ نه‌لر گؤزله‌نیلیر؟ ایندیکی اوپوزیسیوندان هرهانکی بیر چیحیش یولو گؤزله‌مک اولارمی؟»، «آذربایجان میللی حرکتی‌نین بو آیاقلانما ایله مناسبتی نه اولابیلر؟ میللی مسئله‌نی نظرده آلاراق نه‌لر ائتمک اولار؟» کیمی سواللاری سوسیولوق ساوالان گونئیلی جاوابلاییر.
«مونولوق» آذربایجان سیویک نئیشن ایله اتک‌یازی‌نین اورتاق پروژه‌سی‌دیر. اونون مقصدی آذربایجان فعاللاری، دوشونورلری و چالیشانلاری آراسیندا سؤیلمسل دیالوق قورماق و فیکیر آلیش-وئریشی ایمکانی یاراتماقدیر.
بو پروژه چوخ آشامالی بیر چالیشمادیر. ایزله‌یه‌جه‌گینیز بو ویدئو مصاحیبه‌لری سئریسی اونون ایلک آشاماسیدیر. پروژه‌نی اتک یازی مئدیاسیندان و AZ Civic Nation یوتیوب کانالیندان ایزله‌یه بیلرسیز.
ماراقلانانلار و آرتیق بیلگی ایسته‌ینلر آشاغیداکی ایمئیل واسیطه‌سیله بیزیمله علاقه ساخلایا بیلرلر:
