آذربایجانلی کارگردان اصغر یوسفی نژادین قولچاق فیلمی ایستانبول‌دا ائکرانا چیخاجاق. قولچاق یوسفی‌نژادین چکدیگی سون فیلمدیر. بو فیلم تورکجه اولدوغو اوچون ایران‌دا اونون ائکرانلارا چیخماسینا ایجازه وئریلمه‌دی. بوندان باشقا فیلم آذربایجان تورکجه‌سینده اولدوغو اوچون ایران‌دا کئچیریلن ۴۰-جی اولوسلار آراسی فجر فیلم فئستیوالینا دا قبول ائدیلمه‌دی.
ایرانین مشهور کارگردانلاریندان اولان بهروز افخمی بو باره‌ده دئمیشدی کی، «قولچاق فیلمی حئیران‌ائدیجی بیر فیلم اولسا دا، تورکجه اولدوغو اوچون فجر فئستیوالیندا ایشتیراک ائتمه‌یه‌جک». اونلار فیلمین تورکجه اولدوغونو و فارسجا آلت‌یازیلارین تئز-تئز ديیشدیگی اوچون داورلرین جومله‌‌‌لری اوخویا بیلمه‌مه‌یینی سبب گؤستره‌رک فیلمی فئستیوالا قبول ائتمه‌ییبلر.
نصرخبر آژانسی‌نین وئردیگی بیلگیلره گؤره، فروردین‌ین ۲۹-دا ایستانبول فیلم فئستیوالیندا اصغر یوسفی نژادین آنیم مراسیمی و قولچاق فیلمی‌نین نومایشی کئچیریله‌جک.
ایلگیلی یازیلار: یاساق دیلین رئژیسسورو اصغر یوسفی‌نژاد کیم ایدی؟
