«تریبون» ژورنالی‌نین یئنی سایی ایشیق اوزو گؤروب. ژورنالین رئداکسییاسیندان وئریلن معلوماتا گؤره ژورنالین ایلک سایی ۲۶ ایل اؤنجه نشر اولونوب. همین ایلدن ژورنالین «www.tribun.one» اینترنت سایتی دا ایشه باشلاییب. ژورنال ۲۰۰۱-جی ایلدن اعتباراً یالنیز ائلکترون شکیلده فعالیت گؤستریب. بو گون ۲۶ ایل سونرا، بو ژورنالین یئنی سایی‌نین نشر اولونماغی ایله اونون حیاتیندا یئنی بیر باشلانغیج اولوب. بو سایی‌نین آنا مؤوضوعسو، ایراندا جریان ائدن «قادین یاشام آزادلیق» موباریزه‌سی‌نین آنالیزیدیر. ژورنالین ائلکترون وئرسییاسی دا اوخوجولارا گؤندریله‌جک.
ژورنالین ترتیباتی و دیزاین ایشلری تورکیه‌ده یئرلشن قوبوستان یایین ائوی طرفیندن ائدیلیب.
ژورنالین رئداکسییا شوراسی: محمد رضا اردبیلی، علیرضا اردبیلی، علی قره‌جه‌لو، حسین انور حقیقی، اسماعیل جمیلی، ژاله تبریزلی، لاله جاوانشیر، مهسا مهدیلی، رامین جبارلی، سعادت کریمی، سعید شریفی، سینا میرزایی، سیف‌الدین حاتملی، طوغرول آتابی، تورکان بوزکورت، اورال حاتمی، یونس لیثی‌دن عبارتدیر.
