«اتک‌یازی» سایتی‌نین آذربایجان تورکجه‌سینده اوچونجو کیتابی نشر ائدیلمیشدیر. یاییملانان یئنی کیتاب پروفسور نصیب نصیبلی‌نین «تورکچو دوشونجه‌نین اساسلاری» آدلی کیتابیدیر. کیتاب آیدین موغانلی طرفیندن عرب الفباسینا کؤچوروله‌رک نشره حاضرلانمیشدیر.بو کیتابدا، یاشادیغیمیز دؤنمده تورکچولوگون ماهیتی، میلّتلشمه سورجی‌نین طلب‌لری حاقّیندا بیر آراشدیرما‌دیر. میلّی حیاتین اؤنملی ساحه‌لرینده‌کی پروبلئم‌لر موذاکیره‌یه چیخاریلیر. میلّت-دؤولت بایراغی‌نین ایضاحی وئریلیر. میلّتین آدی، میلّی تاریخچیلیک، دیل مسئله‌لری، میلّت قوروجولاری و تاریخ‌ده‌کی قهرمان‌لاریمیز، میلّی-سیاسی ائلیت پروبلئمیمیز، میلّت-دؤولت موناسیبت‌لری، بایراغیمیزداکی چاغداشلاشما و ایسلام… کیمی میلّی فیکرین اساس مؤوضوع‌لاری اینجه‌له‌نیر.
تاریخ علملری دوکتورو نصیب نصیبلی بو کیتابی حاقیندا قئید ائدیب کی، کیتاب قوزئی آذربایجانین بیرینجی (۱۹۱۸) و ایکینجی دفعه مستقللیگی‌نین (۱۹۹۱) قازانیلماسی اوغروندا حیاتینی قوربان وئرمیش اینسانلارین عزیز خاطیره‌سینه، گونئی آذربایجاندا میللی حاقلار اوغروندا موباریزه آپارانلارا بیر ارمغاندیر.
کیتابی آشاغیداکی لینکدن ائندیره بیلرسینیز.
دانلود
