«تایم» ژورنالی‌نین رئداکتورو(ویراستار) آدمیرال ستاوریدیس، ناتو-دا موتتفیق قووه‌لری‌نین ۱۶-جی عالی فرماندهی و کارلیله(Carlyle) قروپوندا قلوبال مسئله‌‌لر اوزره صدر معاونی(نایب رئیس) و روکفئللئر(Rockefoller) بنیادیندا ایداره هئیتی‌نین رئیسی‌دیر. او، ۲۰۳۴: نؤوبتی دونیا ساواشی‌نین رومانی‌نین هم‌موللیفیدیر(موللیف‌لردن بیری‌دیر). اونون یئنی قئیری-بدیعی کیتابی «هر شئیی ریسکه آتماق: دوققوز موناقیشه و تصمیمین زیروه‌سی» آدلانیر.
سونو گؤرونمه‌ین اوکراینا ساواشی دؤردونجو آیا یاخینلاشدیغی بیر واختدا بیر سیرا موشاهیده‌چیلر «قرب اوکراینانی دستک‌له‌مکدن یورولاجاقمی؟» سوالینی وئرمه‌یه باشلاییرلار. بعضی مفسرلر «واخت پوتین‌نین طرفینده‌دیر» تورم، روسیانین اوکراینانین اکین و هیدروکربن محصوللارینی دونیا بازارینا ایخراجینی(صادرات) دایاندیرماسی نتیجه‌سینده یارانان اقتصادی پروبلئملر قارشیسیندا ناتو و دیگر قلوبال دِموکراتیک اؤلکلرین جیددی واکنشی تدریجاً ضعیفله‌یه‌جه‌یینی دوشونورلر. داخیلی سیاسی بؤلونمه‌لر (خوصوصیله آمریکا -دا) و ۲۴/۷ آمانسیز خبرلر دؤورو داوام ائتدیکجه یورغونلوق یارادیر.
من آمریکا -نین ویتنامداکی تجروبه‌سینی خاطیرلایاجاق قدر یاشلییام و پوتین‌نین وضعيیتی گئتدیکجه ویتنامداکی اوزون، آغریلی بدبختلیگی خاطیرلادیر. موناقیشه‌نین اوولینده ضعیف کارتلا اویونو باشلایان پوتین‌نین، گونو-گوندن الینده‌کی کارتلار داها دا ضعیفله‌ییر. منجه، زامان پوتیندن داها چوخ اوکراینا و قربین طرفینده‌دیر و ایل کئچدیکجه بو داها آیدین گؤرونه‌جک.
حربی مئیدانداکی فاکتلارلا باشلایاق. پوتین‌نین ایلکین مقصدی بیر ضربه ایله بوتون اوکراینانی فتح ائتمک، زلنسکی حؤکومتی‌نین محو ائدیب، کییوده کوکلا (دست‌نشاننده) رژیم قورماق ایدی. حددیندن آرتیق اینام، پیس اطلاعاتی ایشلر، داها پیس ژنراللیق، برباد مادی-تئکنیکی پشتیبانی و حربی میداندا باجاریقسیز رهبرلیک نتیجه‌سینده «A پلانی» اوغورسوز اولدو. اونون « B پلانی» عنعنه‌‌وی سووئت/روسیا تاکتیکاسینا گئری چکیلمکدیر: بللی کیچیک اراضلری بؤلوب و دوشونولموش حربی جینایتلر کامپانییاسی ایله اوکراینانین غیر مسلح اهالیسینه قارشی تررور ائتمک.
لاکین آمریکا نین ویتنامدا اولدوغو دؤور کیمی، اوکراینادا دا اهالی‌نین اکثريیتی کنار تجاووزکارین قطعی علیه‌ینه‌دیر. ایشغال زامانی اوکراینالیلار روس اوردوسونو روس عسگرلرینه وعد ائدیلدیگی کیمی آراق شوشه‌لری ایله قارشیلاماق عوضینه، کوکتل مولوتوف ایله قارشیلاییردیلار. ساواش جینایتلری‌نین ایفشاسی اوکراینالیلارین مقاومتینی و اراده‌لرینی نه قدر گوجلندیره‌جکسه، زامان او قدر ده قطعییتلرینی گوجلندیره‌جک.
بئله‌لیکله، پوتین‌نین دورومو حقیقتاً ديَیشیب و اهميیتلی علاوه اراضلر الده ائتمک شانسی دا آز گؤرونور. اصلینده روسیا ایشغالدان اوول اوکراینانین ۱۵%-نه نظارت ائدیردی. قارشیسینا اوکراینانین ۱۰۰% فایضینی الده ائتمه‌گی مقصد قویان روسیا ان یاخشی حالدا بو ایشی ۲۰-۲۵% فایضله نتیجه‌له‌نه بیلر. بو، هر هانسی بیر ایمتاحاندا اوغورسوز قیمتدیر.
همچینین پوتین آمریکا -نین ویتنامداکی تجروبه‌سی کیمی کناردان پناهگاه و بازالارا چیخیشی اولان قطعیتتلی دوشمنله اوز-اوزه‌دیر. آمریکا ویئتکونقا سلاح آخینینی هئچ واخت اوغورلا دایاندیرا بیلمه‌دی و روسلار دا اوکراینالیلارا یؤنه‌لن اهميیتلی یاردیمی دایاندیرا بیلمه‌یه‌جکلر. حقیقتاً ده، اوکراینالیلار اؤز سرحدلریندن داها چوخ سلاح آخینیندان، اوستون سایبر دسته‌گی و فوق العاده اطلاعات و ویئتکونقدان داها چوخ اهميیتلی ماليیه قایناقلاریندان ایستیفاده ائدیرلر.
هم روس عسگرلری‌نین ایتگیلر، هم ده اونلارین تئکنیکالاری‌نین محو اولونماسی سرعتله آرتیر. اعتبارلی حسابلامالار گؤستریر کی، اؤلدورولن روس عسگرلری‌نین سایی ۲۰۰۰۰-ه دوغرو گئدیر–بو تعجبلندیرن رقم آمِریکانین اؤتن ۲۰ایلده خاریجده‌کی سونسوز موباریبه‌لرده‌کی (forever war) ایتگیسی‌نین هارداسا 3 قاتیدیر. قارا دنیز پرچمداری موسکوا گمیسی‌نین باتماسی روسیا حربی دنیز قووه‌لری‌نین اورگینه خنجر اولدو. میندن چوخ روس تانکی محو ائدیلیب. پوتین روسیانی تام ساواش وضعيیتینه گتیرمه‌دن ایتگی سويیه‌‌سی بئله داوام ائده بیلمز. زامان کئچدیکجه بو، مئدیایا نظارتدن آسیلی اولمایاراق پوتین‌نین حاکیميیتینه تأثیر ائده‌جک. لبژ (لیندون ب. جانسون- ویتنام ساواشی زامانی آمئرکانین پرزیدنتی) پوتین‌نین قارشیسینداکی آغریلی سئچیملری باشا دوشه‌جک.
بعضی معنالاردا پوتین‌نین وضعيیتی ویتنامداکی آمریکانین وضعيیتیندن داها پیسدیر. پوتین‌نین دِموکراتیک موخالیف‌لری – آمریکا ، آوروپانین اکثر حیصه‌‌‌سی، بوتون ناتو، یاپونییا، آوسترالییا و دیگرلری – دونیا تولید ناخالص ملی-نین تخمیناً ۶۰%-نی تشکیل ائدیرلر. روسیا اقتصاديیاتی جمعی ۱۰% جیواریندادیر و بونا گؤره ده اونلار اقتصادی ساحه‌‌‌ده جددی شکیلده گئریده قالیرلار. چین روسیایا حیات خطی‌نی تامین ائتمک اوچون آز مئیل نومایش ائتدیریر و اگر آمریکا روسیا ایله ایش گؤرنلره ایکینجی درجه‌‌‌لی تحریم‌لر تطبیق ائدرسه، اقتصادی وضعيیت زامانلا پوتین اوچون داها دا آغیرلاشاجاق.
خوشبختلیکدن کییو اوچون، اوکراینالیلارا دسته‌یین ديَری – قرب اقتصاديیاتلاری‌نین بؤیوک اؤلچوسو ایله موقایسه‌‌ده – اولدوقجا کیچیکدیر. عملییاتلارین زروه‌سینده افقانیستان و ایراقا گونده میلیاردلارلا دوللار گؤندریلن مالی دستک‌له موقایسه‌‌ده، اوکراینانین حاضیرکی دسته‌گی استانداردلارا گؤره یوکسک دئییل .
نهایت، استراتئژی روابیط پوتین‌نین علیهینه ایشله‌ییر. پرزیدنت زلنسکی کییوده‌کی «نازیست رژیمی»نین دئوریلمه‌سی ایله باغلی روس روایتلرینی آسانلیقلا گئریده قویاراق حرفه‌ی ارتباط‌چی اولدوغونو ثبوت ائتدی. زامان کئچدیکجه زلنسکی‌نین اؤز مللتی‌نین منافعیینی یوکسلتمکله اؤز باجاریغینی تثبیت ائتمیش اولاجاقدیر.
پوتین‌نین ان چوخ اِحتیمال اولونان حرکتی بو اولا بیلر کی دؤیوش زامانی اؤلن روسلار، محو ائدیلمیش آوادانلیقلار، سارسیدیجی تحریم‌لر و بین الخالق اعتراضلار باخیمیندان «تام اوغورسوزلوغا» وارمادان مومکون قدر چوخ اراضینی ضبط ائدیب تهلوکه‌‌‌سیزلیگینی تامین ائتمک اولاجاق. چیخیش استراتژیسی اولاراق او، یقین کی، اومید ائدیر کی، قرب اوکراینا خالقینا روسیایا دئ-یورئ(قانونی) اوکراینانین ۲۰%-نه نظارتی تامین ائدن باریشیق سازیشینی قبول ائتمه‌سی اوچون فشار گؤستره‌جک.
بوتون حربی جینایتلری و اوکراینانین روحلو مقاومتینی نظره آلساق، بو، ایندیکی مقامدا چتین گؤرونور. بو عامللرین هر ایکیسی گله‌جک آیلاردا سرتلشه‌جک. ویتنامداکی آمریکا کیمی، پوتین‌ین الینده پیس بیر کارت وار، بئله کی پوتینی جددی بیر مغلوبییته دوغرو آپاریر. زامان اونون طرفینده دئییل.
قایناق: تایم
ترجومه: اتک‌یازی
