ایل‌لرله گونئی آذربایجان‌دا نشر ائدیلمیش وارلیق ژورنالی‌نین 24-جو سایی ایشیق اوزو گؤروب. ژورنالین رئداکسییاسیندان وئریلن معلوماتا گؤره اونلار ۱۹۷۹-جو ایلدن یاییملانان ژورنالدا یئنی بیر مرحله‌یه قدم قویوبلار. ایکینجی دؤورون ۲۳-جو و عمومی ژورنالین ۱۹۶-جی نؤمره‌سیندن سونرا علمی رئسئنزییالی(حَکَملی) نشر ائدیلیب.
ژورنالین علم و مصلحت شوراسی آذربایجان، تورکیه و ایرانداندیر. ژورنالا گلن یازی‌لار ان آزی ایکی اوزمانین راضیلیغی ایله یاییملانیر
ژورنالین بو ساییندا یئر آلان یازی‌لار بونلاردیر:
- اؤن سؤز دؤکتور م. رضا هئیت
- سید جمال‌الدین اسدآبادی (افغانی) دوشونجه‌سینده دیل و میللیت ایلیشگیسی (بابک شاهید)
- آذربایجان سولونون ادبی دیل و میللی ادبیاتین اولوشومونداکی قاتقیسی (جلیل یقوب‌زاده فرد)
- آذربایجان ادبیاتیندا صمد بهرنگی‌نین بدیعی سیماسی (پروفسور دوکتور سالیده شریفووا)
- گونوموز افغانستان‌دا تورکمن تورکجه‌سینین دورومو (محمد بشیر یاور)
- آرسلان میرزایی‌نین ادبی یارادیجیلیغی (عماد حضرتی)
۱۹۷۹-۲۰۱۴-جو ایل‌لرده تهران‌دا پروفسور دوکتور جاواد هئیتین رئداکتورلوغوایله نشر ائدیلن وارلیق ژورنالی، ۲۰۱۵-جی ایلدن اعتباراً آنکارادا دؤکتور محمدرضا هئیتین رئداکتورلوغو ایله نشر ائدیلیر.
ژورنالین سون ساییندا یاییملانان مقاله‌لری “www.varliq.org” سایتیندان الکترون حالدا یوکله‌مکله یاناشی ژورنالین رئداکسییاسینا مراجعت ائد‌ه‌رک چاپ ائدیلمیش حالینی دا الده ائده بیلرسیز.
