Noyabrın 10-da açılış mərasimi keçirilən Bakı Beynəlxalq Qısa Filmlər Festivalında güneyli rejissorlar ve kinematroqrafçılar da iştirak ediblər. Dünya azərbaycanlıları üçün nəzərdə tutulan “Dili bizim” bölməsində güney azərbaycanlı rejissorlar tərəfindən çəkilmiş 5 film noyabrın 12-də nümayiş etdiriləcək.
Bu il Bakı Beynəlxalq Qısa Filmlər Festivalına Almaniya, Fransa, İspaniya, Türkiyə, Belçika, Norveç, İsveç, Yunanıstan, Lüksemburq, Ukrayna, Misir, İran, Qazaxıstan, Qırğızıstan, Çin, Cənubi Koreya və bir çox başqa ölkələrdən gəlmiş 704 film qatılıb. Seçim komissiyasının qərarına əsasən 42 film festivalın beynəlxalq, 26 film isə yerli müsabiqəsində iştirak hüququ qazanıb. Bu filmlər festivalın əsas mükafatı olan “Qızıl Nar” uğrunda yarışacaqlar.
Dünya azərbaycanlılarının ana dillərində çəkdikləri filmlər üçün nəzərdə tutulmuş “Dili bizim” bölməsində Güney Azərbaycanda çəkilmiş “Boğanaq”, “Çərçi”, “Don”, “Qurd” və “Mənim payım” adlı qısa filmlər nümayiş olunacaq.
14-cü Bakı Beynəlxalq Qısa Filmlər Festivalı
2004-cü ildə Gənc Kinematoqrafçılar Mərkəzi tərəfindən təsis edilmiş Bakı Beynəlxalq Qısa Filmlər Festivalı (Bakı BQFF) bu il də təntənəli şəkildə həyata keçirilir. Bu festival, Kann, Venesiya, Berlin Film Festivalları və “OSKAR” kimi mühüm tədbirlərdə mükafat qazanmış filmləri nümayiş məkanına çevirmişdir.
Hər il dünyanın müxtəlif ölkələrindən göndərilən 1500-dən çox filmdən ən maraqlı olanları seçilərək festivalın proqramına daxil edilir. Bu festival, yerli və xarici rejissorların, prodüserlərin, ssenaristlərin görüş məkanı olaraq əhəmiyyət kəsb edir.
Bakı BQFF, yerli rejissorların fərqli yanaşma üslublarını və maraqlı hadisələri tamaşaçılara təqdim etmək məqsədilə yeni filmlərini altı gün boyunca nümayiş etdirir.
Festival, Azərbaycanda kinematoqrafın təməllərindən olan qısa filmlərə marağın artırılması, gənc kinematoqrafçıların təşviq edilməsi və dəstəyilə diqqəti cəlb edir. On dörd il ərzində reallaşan bu festival, dünya və ölkədə baş verən mədəni, siyasi və sosial hadisələri, müxtəlif xarakterləri birləşdirən rəngarəng filmləri nümayiş etdirir.
Filmlər və müsabiqə proqramları
Bu il festivala 78 ölkədən 704 film qatılıb. Müsabiqəyə təqdim edilən filmlərdən 42-i beynəlxalq, 26-ı isə yerli müsabiqədə iştirak hüququ qazanıb. Bu filmlər “Qızıl Nar” mükafatı üçün yarışacaqlar. Eyni zamanda festivalın içində müxtəlif proqramlar da yerləşdirilib. Bunlardan “Asiya istedadları” və “Cinemobil”(Mobil telefonla çəkilən filmlərin müsabiqəsi) müsabiqə proqramlarını saymaq olar. “Asiya istedadları” proqramında Asiya ölkələrinin bədii 17 filmi və “Cinemobil” programında 3 film nümayişə qoyulacaq. “Panorama” programında isə, gələcəyə böyük ümidlərlə baxan müəlliflərin filmləri təqdim olunacaq.
Digər əhəmiyyətli proqramlardan biri də “Dili bizim” proqramıdır. Bu proqramda dünyada yaşayan azərbaycanlıların Azərbaycan dilində çəkdikləri filmlər iştirak edir. Bakı Beynəlxalq Qısa Filmlər Festivalının direktoru Fehruz Şamıyev, festivalın proqramı haqqında “Kult.az” saytına danışarkən bir çox məqamlara diqqət çəkib. Şamıyev festivalda “Dili bizim” adlı proqramın yaradılmasının güney azərbaycanlı kinematoqrafçıların ana dilində çəkdikləri filmlərin böyük marağı səbəbi ilə olduğunu vurğulayaraq, bu bölmənin yaradılmasında güneyli rejissor Rza Siyaminin əməyinin böyük rol oynadığını qeyd edib.
O həm də “Dili bizim” proqramının tamaşaçılar tərəfindən böyük maraqla qarşılandığını və bu bölmədə Azərbaycan dilində çəkilməyə başlanan filmlər haqqında maraqlı diskussiyaların keçirildiyini bildirərək, festivalın bu ilki “Dili bizim” proqramının daha da genişlənməsi üçün planlarının olduğunu vurğulayıb.
Noyabrın 12-də Nizami Kino Mərkəzinin 3-cü zalında saat 17:30-da güneydən nümayiş etdiriləcək qısa filmlər bunlardan ibarətdir:
- Qurd / Rejissor: Bəhruz Şəmşiri / Bədii / Dili bizim
- Mənim payım / Rejissor: Əmin Bahocb / Sənədli / Dili bizim
- Boğanaq / Rejissor: İbrahim Cavadxani / Bədii / Dili bizim
- Çərçi / Rejissor: Mehdi Behzadpur / Bədii / Dili bizim
- Don / Rejissor: Hamed Musəvi Hüseyni / Bədii / Dili bizim
